طريقة عمل الدجاج المحشي بالأرز

السلام عليكم ورحمة الله وبركاته

اليكم طبختي لليوم
الدجاج المحشي بالأرز واللحم

المقادير
كاسة أرز
ضمة بقدونس
وقية لحمة مفرومة على الايد أطيب
دجاجة
ملح (فلفل اسود ،قرفة ،كركم)


الطريقة

بالبداية نفلفل الأرز (طبخ عادي)مع وضع الملح والكركم عليه
نقلب اللحمة حتى تستوي فقط بالزيت والملح والفلفل الاسود بدون بصل

وهذه الصورة



نغسل الدجاجة جيدا من الخارج والداخل
نملحها ونضع الفلفل الأسود عليها ولا ننسى تمليحها من الداخل



والآن بعد ما ستوت اللحمة نضعها على الأرز مع البقدونس المفروم والبهار (فلفل اسود وقرفة)



ممكن استبدال اللحمة بكبد الدجاج



نضع الخلطة داخل الدجاجة ونفتح قليلا جنب الفخذ من الداخل ونحشيها من الجنبين وتغلق بنكاشات الاسنان
وهذا شكلها بالصينية مع البطاطا والبازيلاء والبندورة والفلفل والملح
معلش كلها اضافات من عندي






عادة توضع الدجاجة بالأكياس الخاصة للفرن
بس انا سكرت عليها بالقصدير
وما خليت نفس للبخار أن يخرج حبسته يعني
وتركتها على نار متوسطة ساعة ونصف
بعد أن وضعت كاسة ماء في الصينية قبل اغلاقها






هون صارت على السفرة ومعها السلطة وضل أرز انا بزيد الكمية مشان الاولاد بيحبوه


معلش سفرتي متواضعة

هذا صحن السلطة
سلطة بيغلب عليها البقدونس
مع خيار وبصل أخضر وبندورة وليمون طعمها رااااائع



عندي اضافة بسيطة
ممكن وضع المكسرات اللوز والصنوبر والكاجو داخل الحشوة بعد تحميرها بالزيت
بس انا لا أحبها
شكرا لتواجدكم